黄庭锋靠台庆奖金升呢做业主 单位睇尽湿地公园美景
TVB节目《我要做业主2》请来黄庭锋任嘉宾，分享上车心路历程，于2018年台庆幸运地获得100万元巨奖，当中有51万元现金及49万元礼品，本来有意将奖金送给两老作为澳洲旅行使费，不过最后父母提议他作为首期买楼，最后于2020年成功购入天水围一个新楼盘。
黄庭锋升呢做业主，他透露入市经过："咁啱有次我哋行过去睇楼，妈妈嗌去望望，我又冇话好大欲望……见环境唔错，又保育，又湿地公园。自嗰次之后，佢隔两日就同我讲一次，话笔钱不如唔好嘥咗摆喺度，不如用嚟畀首期上车……嗰吓叮一声，系喎！"考虑了2、3个星期后，黄庭锋决定入市！
提到个人理财方面，黄庭锋说："妈妈好细个就同我讲要储钱，畀咗呢个概念我，同埋我唔系好大使。（收入有几多成用作储蓄？）我会储一半，到我郁嗰笔钱时决心又唔系好大，摆喺银行觉得好稳阵，所以冇好急切去做呢样嘢，但后尾发觉一味去拖就上唔到车，一谂又会拖多1、2年，总会有啲想法令整件事慢咗落嚟，又唔系乱咁使，有咗部署就要决定果断，当你觉得呢个系正确选择时，就应该去做。"
节目中去到黄庭锋的单位内参观，单位有露台饱览湿地公园美景，他兴奋地说："从来冇试过住嘅地方系有露台，我觉得Dream House要有个露台，妈妈每次同我讲全香港得一个湿地公园，你就住喺呢度啦。可能主持过《香港原味道》，对惯咗大自然，呢个环境几适合自己；加上呢度嘅玻璃唔会反光，系用嚟保护啲雀仔，成个概念系好好。对于我嚟讲就系环境至上，你喺都市做完嘢返嚟，喺呢个环境完全可以放低工作嘅感觉。（觉得有升值潜力？）有睇过呢度出租都差唔多要万二蚊，佢嘅潜力系几大，觉得会一路升上去。"
