张馨月晒7千万复式豪宅 亲手喂饱老公林峯
艺人林峯依家喺香港拍紧戏，但新片因张松枝公布初步确诊而爆恐慌，剧组每日开工前均会做检测，个个都惊咗唔敢出街，而林峯亦就多咗好多时间喺屋企陪老婆张馨月同囡囡"格格"，而爱玩社交网分享生活嘅张馨月，都成日大晒一家三口美好时光，今次佢仲Post出香港的居家生活，并留言："香港的疫情太严重了，只能在家研究各种美食啦！"
本身条片就不断影住佢亲手炮制不同美食喂饱老公林峯，又见到阿女格格试完妈咪啲手势后，不停用普通话大嗌："要！要！要！"又食到点晒头咁，凼得妈咪劲开心。而林峯就更加每样餸都激赞又好食，次次都话流晒口水，相当识做，唔怪得老婆成日都要黐实佢啦。
不过网友更有兴趣嘅系片头中张馨月大晒三人同住嘅7千万复式豪宅，而该薄扶林嘉林阁近2,500呎嘅复式单位，由林峯于2015年以逾6千万购入，居高临下，饱览数码港一带海景，目前已升值超过7千万。
