同样系学霸！冼靖峰晒饼印全家福 高材生细佬惹注目
TVB音乐选秀节目《声梦传奇》除咗捧红炎明熹（Gigi）、姚焯菲（Chantel）同锺柔美（Yumi）外，打入最后5强嘅冼靖峰（Archie）出名系唱得之人，凭住歌声同靓仔外表，俘虏咗唔少粉丝。
佢日前喺社交网大晒一家人喺影楼影嘅毕业相，着上毕业袍嘅佢留言："只系想讲讲其实我毕咗业了。"其实佢上年已经毕咗业，只系一直都未行毕业礼，又未攞毕业证书，呢次都系佢自己影咗先！而网民就话佢哋饼印一样，似到十足十，颜值极高，仲大赞"全家都基因都好好"，仲将焦点放咗喺嘅细佬Aragon度，赞戴眼镜嘅佢，外表斯文，绝对系靓仔潜力股！
身为学霸嘅Archie喺中、小学就读名校喇沙小学及喇沙书院，之后升读香港大学工商管理学学士（会计及财务），毕业后成为MT（Management Trainee 管理培训生），本来佢可以做专业人士，有份稳定嘅收入，不过喺佢心中仍然有一个音乐梦，所以先放弃高薪厚职，追寻自己梦想！原来Aragon同哥哥一样，中学读名校喇沙书院，而今年18岁嘅佢依家读紧港大，两兄弟都系高材生，唔知Aragon有冇谂住同跟哥哥一齐入行呢？
