傻傻分不清︱江嘉敏基因突变王祖蓝 李亚男都中伏？
TVB小花江嘉敏出名样靓身材正，系唔少宅男嘅梦中女神，近日佢喺节目《代沟关注组》系咁爆料，成为唔少花生友茶馀饭后话题。唔经唔觉，《代》已录到最后一集，江嘉敏就以一个齐阴嘅"妖后发型"示人，佢仲即刻Post相同大家开心Share。
不过呢，佢Post嘅第一张相侧侧哋头，竟然同升呢做无綫首席创意官嘅王祖蓝，撞样撞到嘭嘭声，唔知系咪角度问题，江嘉敏更完美复制祖蓝个招牌大鼻，有网民话斋睇相，一定以为又系祖蓝扮女人，就算李亚男都随时中伏呀！而江嘉敏就留言话都好想自己似祖蓝咁叻咁多计仔，唔介意同佢撞样呀！
