与美国独立歌手合作 陈柏宇挑战英文歌劲难忘
歌手陈柏宇（Jason）一直在音乐路上寻求新鲜感，邀请不同歌手Crossover，日前就跟涉足于美国独立音乐圈的唱作女歌手Kiri T合作，重新演绎她的作品《10,000ft.》，其MV亦同步推出，希望带给乐迷新惊喜。
Jason坦言起初被Kiri的音乐吸引，才促成今次的合作："因为佢啲音乐好refreshing，喺香港唔系成日听到，加上系英文，成件事爽啲！最原先我哋系谂住将《本能寺》同《10,000ft.》Jam埋一齐，但唔系好想做到Medley咁，加上我觉得咁样Crossover嘅话，我再去唱一啲我自己唱过无限次嘅歌又会好闷，所以就净系唱《10,000ft.》。"
作为《10,000ft.》的创作者及原唱者，Kiri觉得今次的合唱版能带出不同感觉，更加喜欢这个新Version︰"首先系我搵Nick弹过结他，个Feel已经有啲唔同，之后听完Jason唱之后，又inspire到我有第二啲演绎方式，所以Jason唱完之后，我番去再录过另外一个vocal，我依家都了解只歌多咗。"这个行动让Jason直竖拇指，大赞有诚意。
Jason坦言自己一直向往唱英文歌："因为咬字上可以有好多唔同嘅发挥，所以今次喺Kiri眼中我开头都咬得好紧，我本身都有一种好锺意咬实啲字嘅感觉，但系今次本身我觉得英文字冇广东话咁执着咬字嘅方式，反而Kiri畀到好多inspiration我，又或者引导到我去咬一种佢认为松啲嘅方法，令到成件事可以chill啲。"
入录音室无数次的Jason，在今次的录制过程中，却发生了一件难忘事："Kiri想我relax啲，就尝试同我做个exercise，叫我揈下个人、松啲muscle，嗰一刻我心谂……哈哈！其实我觉得唱多几次自己就会有嗰个feel。"
经过今次的合作，Kiri直言有对Jason改观："合作之前，我以为佢好静㗎！但系合作之后发现原来Jason系好搞笑，可能系被佢啲歌影响到个印象，我觉得佢系唱歌好叻同埋唔系点讲嘢嗰啲talent，合作之后发现原来佢搞好多gag嘅，被佢呃咗！"虽然Kiri呻自己"被骗"，但两人均期待下次再度合作，更想推出新歌，他们透露："其实本来我哋有谂过出新歌，我哋仲哼咗差唔多成首歌出嚟，跟住发觉我哋要做完今次个crossover先，下一次写新歌啦！"
