据香港东网报道：#TVB# 小花#刘佩玥# （Moon）拍紧新剧《#隐形战队#》，日前佢同#江美仪#、#唐诗咏#、#刘颖镟#做访问嘅时候，被@江美儀 爆料开工睇咸片，吓到佢要即刻澄清！事隔几日@劉佩玥Moon 骚腿出席热播剧《把关者们》宣传活动时，受访期间再提起呢件事，记者笑话佢被爆私隐，Moon抵死笑讲︰"摆明系明屈！哈哈！咁系因为我份人玩得，大家都锺意开我玩笑啫！咁呢件事又的确系搞笑嘅！"问到佢嗰阵睇紧咩片？佢就话只系普通搞笑片，仲笑话对有咸片广告弹出嚟已经系见怪不怪︰"成日睇片都会弹出嚟，自己冇乜所谓，因为又唔会专登揿入去睇。（佢哋有冇再拎呢样嘢同你讲笑？）又冇，纯粹系嗰阵大家想搞吓笑，大家拍剧相处得太融洽，感情好好就唔会太介意。"
反而Moon系担心访问片出街后会被妈咪"拷问"训示，点知妈咪睇得好通透，甚至觉得对方好搞笑，Moon话︰"佢问我：'点解美仪姐咁得意？佢真系好好，做访问嘅时候专登抛个波畀你，真系好提携后辈！'"另外，Moon又大赞江美仪拍剧时好专业、演技好好︰"真系好欣赏佢，剧入面佢做我嘅上司，有好多对白要讲，而佢本身唔系一个咁恶嘅人，但佢出到嚟个感觉系好严肃，之后发现佢同我一样都系9月生日，果然9月生日嘅人真系好叻！哈哈！"
2021年9月27日 星期一
据香港东网报道：#TVB#… #香港 #娱乐
据香港东网报道：#TVB#…
