星空下的仁医 #香港 #娱乐

星空下的仁医

据香港东网报道：艺人#锺嘉欣#相隔2年再拍#TVB# 台庆剧《#星空下的仁医#》，虽然佢嫁人生B后，近几年明显减产，对上一出作品系2018年嘅《#再创世纪#》，不过"嘉欣BB"嘅演技冇退步过。好似喺《星》中，饰演外科医生"章以芯"嘅佢，为小演员睿睿做手术时，副手"戴日进"突然昏倒，郑嘉颖饰嘅"许甘枫"嚟帮拖，但系睿睿嘅心脏仍无法正常运作，搞到@Linda鍾嘉欣 难过到喊。
喺戏内面，郑嘉颖安慰佢话冇医生会希望病人死喺手术台上，就算救唔到，都唔系医生嘅错，但啲眼泪喺眼度啷啷吓嘅嘉欣，就用好沉重嘅声音话："当初我哋点解选择外科而唔系内科，系因为我哋心急，想立即知道可唔可以帮到个病人，如果最终我哋救唔到佢，谁会唔伤。"跟住佢情绪再激动啲，对眼再红啲咁扁住嘴话："可能我就嚟做人妈咪，所以我感觉到原来面对死亡喺几咁难受，我唔知点面对佢妈咪，我唔知点同佢讲。"
就喺呢场几分钟洋葱戏，啲网民大赞嘉欣连眼珠都有戏，话佢以前拍喊戏已够逼真同自然，呢次嘅演绎抑制住崩溃情绪嘅戏，更加做出内疚感，好真实。个个粉丝都挂住嘉欣嘅戏，咁其实佢依然喺加拿大嘅生活又过成点呢？有网民就喺间美甲店遇见嘉欣都嚟修甲，话嗰日佢虽然素颜，但状态依然好好，连把声都温柔过人，当粉丝要求影合照时，嘉欣好爽快："好呀。"个粉丝又八到原来嘉欣成日嚟修甲，可见佢虽然唔使拍戏，但都会注意仪态，时刻都保持住最佳状态，拒做"加拿大大妈"，系个专业演员。