李美慧不幸中招 女儿亦有发烧征状：好担心
名媛李美慧（Vivi）2018年嫁予年长25岁、富商老公曾文豪，并为对方诞下一女"小糖心"，专心相夫教女嘅佢，几乎已经绝迹幕前，不过寻日（2日）佢就喺社交网晒出一个"双线"快速检测包嘅相，宣布自己中招！东网为此联络Vivi，佢大方直认确诊："我依家净系发烧、发冷、身体痛，好痛啊啲骨，其他流鼻水、咳、喉咙痛都冇。"
佢续指自己净系有见屋企人及一位朋友，到目前都未知自己点样中招："佢哋全部人都冇中，冇人确诊，净系得我自己确诊咗，同埋我已经好耐冇喺街或者餐厅除口罩食嘢，我估计可能系去完超级市场，只手消完毒，但系手机、银包、衫可能未消毒，所以惹咗返嚟，我惟有系咁解释，我觉得系手机最易。"佢亦提到现时同囡囡分开住了，佢自己搬去另一个地方暂住，仲坦言好挂住小糖心。
另外，李美慧今日再贴出探热针相片，透露没有食药已退烧了，所有病征亦告消失，真的很感恩。她受访时表示，虽然当初觉得有少少唔舒服，已经即刻自我隔离，但女儿都开始发高烧，相信已经传染给家人，令Vivi十分担心。
她透露女儿检测仍然呈阴性："好担心，但佢已经打咗针。香港实在太多个案，好难避，我都已经尽力去做好，万无一失，亦都知道身边好多朋友的小朋友都有事，要一齐努力，打败病毒。"
