陳煒3吻醫生老公 朱晨麗撼贏江美儀接得花球 #女神

陳煒3吻醫生老公　朱晨麗撼贏江美儀接得花球

陳煒3吻醫生老公　朱晨麗撼贏江美儀接得花球藝人陳煒昨日（26日）出嫁，與陳國強醫生已正式簽字成為夫婦，晚上於尖沙咀半島酒店Garden suite設宴，大批圈中好友到場祝賀，宴會約在晚上8時開始，煒哥穿上長袖透視蕾絲大澎裙的婚紗、披上頭紗，在恩師鄭偉強的陪同下進入會場，之後鄭生就將煒哥交到陳醫生手中，並説：「你一定要好好對佢，如果唔係我唔會放過你。You are a lucky guy！」其後煒哥與陳醫生在眾親友見證下交換介指，並且在眾人起哄下三度親吻，恩愛滿瀉。陳煒與醫生老公昨晚設婚宴。由恩師帶領進場。交換戒指。咀足三次！之後煒哥向在場的好友一一道謝，煒哥謂：「今晚到嚟嘅全部都係好錫我同陳醫生嘅朋友，首先要好感激鄭偉強先生陪我進場，喺呢度無人比佢夠有資格。因為佢係主宰我呢26年嘅演藝人生嘅好重要嘅一個人，當年如果唔係佢喺垃圾桶執番我份報名亞洲小姐履歷資料，就肯定冇今日嘅陳煒。 」佢又特別感激曾勵珍小姐，因為珍姐甚少出席藝人的婚禮，但昨晚仍在百忙中抽空到場，所以煒哥同陳醫生都十分感激珍姐的愛錫。當煒哥提到鮑起靜時，對方更是激動得熱淚盈眶，場面相當感人。甜蜜滿瀉！陳煒逐一多謝好友，鮑起靜聽到眼濕濕。煒哥答謝完各位好友後，輪到新郎哥發言。但新郞哥卻趁機說出「愛的宣言」，答謝老婆，他表示：「要多謝嘅人，佢都講晒。我想講，我以前叫佢Honey，但今日之後會改口，叫佢陳太或者老婆。過往佢陪伴咗我4年，呢段時間係我人生中，最開心嘅日子，多謝你，I love you！同埋我想喺呢度回應佢之前講50年不變嘅報道，我喺度講我係會50年+1日不變，嚟緊呢段時間都會錫你、寵你、愛你！」在場所有人士都很滿意這段愛的宣言，拍爛手掌，煒哥亦回應陳醫生絕對是一個很細心的好老公。而去到尾聲的拋花球環節，在場原來只有兩位單身女士，在朱晨麗及江美儀的熱烈競爭下，結果由朱晨麗成功奪得。現場得江美儀同朱晨麗單身。最後由朱晨麗接得花球。陈炜