好过佢老婆︱谭咏麟张家界喂李克勤食腊肉
"校长"谭咏麟（阿伦）向来识饮识食，身为佢"左麟右李"嘅好拍档李克勤自然有口福，成日带克勤食好嘢。近日喺内地完成隔离嘅阿伦，原来已出发到湖南张家界，同克勤来个"左麟右李"吃播。
阿伦寻日（29日）与克勤、许茹芸、林志炫、郁可唯等歌手，出席喺张家界武陵源水绕四门景区举办嘅直播活动，席间阿伦更为克勤做咗一件克勤老婆先会做嘅事。咪心邪，其实阿伦只系喂克勤食嘢啫，只见阿伦喺台上拎起筷子，将一大旧当地著名美食腊肉喂入克勤口中，系就肥咗啲，不过克勤真系食得几滋味。"
阿伦喺社交网Post活动照，并留言："山水之韵，天人合一。这几日我已充分领略了张家界的好风光，更愿邀诸位一同欣赏！今天网友说看#左麟右李张家界吃播# 很过瘾，我觉得还可以吃更多美食的～"。
