姚子羚「降呢」提名女配角：一切都係公司安排 #女神

姚子羚「降呢」提名女配角：一切都係公司安排

姚子羚「降呢」提名女配角：一切都係公司安排藝人姚子羚今晚（13日）為無綫遊戲節目《開心無敵獎門人》錄影，她透露剛由新加坡參與2022亞洲影藝創意大獎，雖然有份角逐女配角獎，但可惜空手而回，她稱有跟曾志偉在當地食好西，並戥獲主持獎的李思捷開心。姚子羚對於獎項平常心看待。另外，身為《鐵拳英雄》女主角的子羚在萬千星輝頒獎禮中竟被降呢提名女配，不少網民戥她不值，子羚對此表示：「一切都係公司安排，咩位置都唔係重點，最重要係觀眾喜歡呢個角色。（對女配獎有冇信心？ ）平常心，我喺2015年已經攞咗女配獎，今年都好多對手，好似蔣家旻，佢演得好好，我都係志在參與，同埋想支持陳山聰。（會投佢一票？）心裏面投佢一票。」姚子羚跟海俊傑十分合拍。而在「超級無敵夾多士」遊戲中，子羚跟海俊傑以臉貼臉夾多士，兩人一擊即中，簡直是神級示範，他們即時得戚地夾著多士繞場一周。姚子羚