38一下 today: 畀车撞都唔死　网民估吴启华系不死人即系不死人角色，唔通《僵》终于开拍续集？

无线剧《僵》上月播毕，不过网民依然对佢念念不忘，加上套剧留下好多伏线，似乎有机会拍续集。正当观众们都估紧有冇续集，此时现正热播慨《纯熟意外》，当中男主角吴启华似足郑嘉颖饰演慨“刑活着”啲FRIEND，即系不死人角色，唔通《僵》终于开拍续集？

其实大家都对吴启华喺剧中慨真实身份有唔少揣测，唔少观众仲估佢系不死人，并列举种种证据。首先，过往几集闪现过吴启华著古装慨镜头，之后佢以现代LOOK、西装骨骨出场，似乎由古代生存到依家，加上佢又讲过自己有大把时间，符合晒不死人会长生不死慨特点。此外，第六集讲到吴启华遇上车祸，全身沾满血迹，竟然死极都死唔去之余，仲可以行返去屋企养伤，屈机到咁，难怪网友都话肯肯定佢系不死人，仲推断《僵》未开估嗰四个不死人慨身份，原来其中一个就系吴启华，咁《纯》摆明系《僵》慨续集啦！

外星人？古代人？

正当大家一面倒认为吴启华系不死人，又有心水清慨网友有唔同睇法，佢哋觉得吴启华系由古代穿越到现代，不过失咗忆，被逼留喺现代追寻自己慨身份，仲指剧中佢啲举动太唔似现代人，咁又好似有啲道理㖞！不过，又有网友认为吴启华畀撞车都死唔去，又识咁多嘢，其实系有超能力慨外星人就真，只不过佢隐藏身份，费事吓亲人啫。

网民有话儿：

ManFuXXX：《僵》有九个不死人，形活着，危耿，庞应天，同埋死咗两个，未交代剩低四个，唔通《纯熟意外》交代番？

XXXGoog：比（畀）车撞都死唔去，吴启华肯定系不死人。

TsuiXXX：刑活着的朋友，刑在生！

韩胜X：个个都估错，呢套唔系《僵》续集，系穿越剧就真，其实吴启华由古代穿越到现代，不过失咗忆，而家先慢慢记得番。

LaiyinXXX：乔文杰学识渊博，畀车撞又冇咩事，好似有超能力，摆明佢同都敏俊xi一样都系外星人啦！

畀车撞都唔死网民估吴启华系不死人