梁烈唯为赚奶粉钱只手遮小唯 网民大赞：好爸爸！

为咗搵奶粉钱你可以去到几尽？梁烈唯（唯唯）就全裸畀你睇！上个月唯唯开心公布老婆有喜，正所谓“风之后”李丽珊都有教，养大一个小朋友要四百万嘛！系四百万，唔系四百蚊喎！身为老窦嘅唯唯压力当然大，早前仲喺微博发文“搲Job”做，叫各路兄弟有Job就搵佢做，其实都系为咗等BB出世之后有个五星级的家，真系廿四孝老窦呀！

大赞童颜巨胸

咁到底唯唯有几搏？话说佢有份主演嘅热播剧集《为食神探》，寻晚嗰集讲到唯唯以前因财困借钱而被逼影裸照，啲裸照仲喺网上疯传，而嗰张裸照冇花冇假真系全裸，唯唯只系用两只手掌遮住“小唯唯”。去到咁尽，网民都话服咗佢，撑佢一定系一个好爸爸之馀，仲大赞唯唯身材好，简直系童颜巨胸，嗰六旧腹肌都唔讲得笑。网民留言话：“睇唔出佢咁大只！”、“佢拍飞虎个（嗰）时已经唔细只！”

“正常状态下，遮到唔出奇”

不过，喺一遍欢呼声中，都有几句嘘声嘅！有网民就搞笑问咗句：“咁易遮得住？只手遮小唯？”哗！咁你系咪暗示小唯唯真细小先？细细个妈妈都有教，嘢可以乱食，说话唔可以乱讲，仲要系呢啲男人大忌，唯唯只手大啫！识啲咩呀你哋，掌嘴！不过，唯唯份人就好大方嘅，佢接受《东网》访问时就话：“咁我谂喺正常状态下，遮到都唔出奇嘅！同埋如果遮唔到，都Cut走咗啦！”提到观众大赞他有六旧腹肌身材好，佢就话：“我瘦啫！嗰时冇特别操，同拍《飞虎》嗰阵差好远。”

“有着裤㗎！”

所以话，顾家嘅男人几时都咁Man，唯唯呢一脱，就立即加晒分！不过，佢就话：“拍嗰时其实已经系好耐之前，但系想搵多啲奶粉钱系真嘅！（咁勇？）作为一个演员，我觉得冇乜所谓嘅！同埋当时系着住一条好幼边嘅内裤，我有着裤㗎！”

网民有话儿

Ryan Txxx：系咪Key图？点解咁易遮得住？只手遮小唯？

Creamy Lxx：佢白雪雪咁大只，好正！

Libra Lxxxx：佢拍飞虎嗰阵已经唔细只！

Ted Lxx：好大只呀！童颜巨胸！

Yxm Hx：为咗头家“牺牲色相”，呢d（啲）先系一等一好男人！

The post 梁烈唯为赚奶粉钱只手遮小唯　网民大赞：好爸爸！ appeared first on Be The First.

[热门文章] 亚航十大漂亮性感空姐美媚,美晕了！