乘风破浪的姐姐2 #香港 #娱乐

乘风破浪的姐姐2

据香港东网报道：天后#容祖儿#（Joey）近日孖住好姊妹#蔡卓妍#（阿Sa）及#锺欣潼#（阿娇）组"龙虎豹"拍住上，为综艺节目《#容我Sa娇#》开工并寓工作于娱乐，继日前去露营后，近日就去到河北秦皇岛市取景，Joey与阿Sa于社交网大晒靓相，见佢哋喺海边打卡，又联同一班工作人员坐石壆望海，十足还原《那些年》经典重面一样，相当青春。
而阿Sa同Joey都不约而同以松身冷衫配墨镜造型上阵，一个红一个绿，撞到应一应，阿Sa表示："我哋今日衬咗，冇夹过㗎，呢度嘅天气同埋环境都好衬我哋。"不过网友就指佢哋全身松松垮垮，加上披头散发，笑指似足流浪汉，仲话系"最美流浪汉"添！
另外，有网友野生捕获佢哋进行拍摄，见佢哋去到夜市扫街大叹街头美食，仲请到Joey于《#乘风破浪的姐姐2#》嘅战友周笔畅做嘉宾，周笔畅仲同阿Sa大玩游戏摊位斗抛圈，重拾童年回忆。亦有网友捕获到阿Sa、阿娇合体，但指阿娇反应相当冷淡，更将焦点放喺佢胀爆身形上，留言："像怀孕10个月了。"亦有人指因为衣着关系，阿娇先显得比较臃肿！