据香港东网报道：性感女神#周秀娜#… #香港 #娱乐

据香港东网报道：性感女神#周秀娜#…

据香港东网报道：性感女神#周秀娜#（Chrissie）近年成宅女"猫奴"，自爆日日喺屋企唔系做"铲屎官"，就系睇剧本，搞到冇时间认识异性朋友！今次有图有真相，一开始见着住紫、黑色直间恤衫、扎住丸子髻嘅佢背住镜头，面向花洒冲凉位踎低唔知做紧乜，而答案就喺留言度︰"我老细Mon住我铲屎，好跩（曳）呀周围痾（屙）！"见猫猫真系全程望实主人帮佢执手尾，斋睇背脊都Feel到佢有几咁气定神闲！
清洁完@周秀娜Chrissienana 向猫猫"训话"，不停问︰"做咩屙出面？"结果呼之欲出，猫猫系十问九唔应嘅，仲搞笑行番去"案发现场"，感觉就好似检查主人系咪清洁乾净咁款，认真抵死！视察完就好潇洒、头也不回咁行开，激到Chrissie死死吓，劲无奈"斥"猫猫："佢精到呢！"最后就喺Chrissie搬番个猫笼去冲凉位置之际，发现佢原来下半身着超短黑裙配Sexy黑丝，筷子脚完美尽现，就连家居服都咁火辣，相信有好多Fans都非常羡慕猫猫，好想有个好似Chrissie咁嘅Hot爆主人！