"后生女"卧虎藏龙 游嘉欣终极性感抢Fo！
上位小花游嘉欣凭《香港爱情故事》、《#后生仔倾吓偈》而为人熟悉，之后佢工作多多，又要拍剧又要拍综艺，忙到爆！现年21岁嘅佢经过地狱式减肥后，成功踢走baby fat，系时候大晒收身成果！
佢嚟个终极大解放，喺社交网上载索爆三点式靓相，佢着住Sharp醒黄色泳衣，离远已经见到佢，成功抢Fo！见佢手脚纤幼，身形比例Fit爆，仲要大晒纤腰，真系好索！早前佢打拳操fit，见佢肚仔隐约见到啲腹肌，大晒健康性感！样子甜美嘅佢，望住镜头甜笑，宅男都畀你冧晕啦！
有网友笑言"后生女"卧虎藏龙，36E嘅波波（黄婧灵）同34D嘅陈欣茵已经出名好身材，估唔到游嘉欣平时收收埋埋，今次终极一晒，睇到网友流晒口水，仲力推佢哋快啲合体，一齐晒水着，谂起都觉得正呀！
