落闸唔造人！陈炜冧收"八心八箭"钻戒订终身：𦧲饭应
艺人陈炜昨日（21日）48岁生日，在生日派对上她获拍拖近3年的医生男友陈国强惊喜求婚。今日（22日）准新娘子陈炜现身公开活动，笑容满面的她表示心情开心："寻晚瞓唔着觉，因为收到好多朋友嘅祝福，我要睇又要回覆大家，所以依家都晕晕哋。"
她坦言完全不知道男友会求婚，因为每年生日都会跟大班朋友庆祝，所以没有为意，听说男友为此筹备了一个月："现场好感动，都有喊，好开心咁多朋友见证下，咁多人祝福。（系咪即时Say Yes ？）系，𦧲饭应。"
至于婚礼安排方面，陈炜称仍未倾到，问到会否大排筵席？她说："我完全冇谂过。（好友何国钲话设计件婚纱畀你？）好多嘢都系佢同我男友夹，佢哋清楚好多。（一切交晒畀男友搞？）我想像唔到，佢今次几做到嘢，因为佢喺我心目中只系识救人同医人，乜都唔识，估唔到今次咁多嘢都系佢设计同话事，好叻！（成个婚礼交畀男友搞？ ）以我个性格唔会，我都会参与。但系摆唔摆酒就未知，冇任何Idea。"
畀夫婚夫100分
问到有否想过男友会求婚，她直言不敢多想，因为怕失望，问到男友有甚么地方值得她点头答应？她冧爆说："对我好，以后我照顾佢生活，佢照顾我健康。（佢值得托付终身？ ）好好，100分。（会唔会生小朋友？ ）唔使喇，我冇谂过。（婚后会唔会减产？ ）未谂过，因为发生得太突然，冇任何想法。"
陈炜左手无名指上戴上3卡的求婚戒指，她透露是由朋友设计，由2只戒指组合而成，"八心八箭"的切割很有意思，而围边的钻石是有关他们2人的秘密故事，非常有心思。其实"八心八箭"是圆钻的光学现象，被称作"邱比特车工"，代表了邂逅、锺情、暗示、初吻等美丽意境。
何国钲同朱晨丽"喊到猪头"
本地著名时装设计师何国钲，昨晚（21日）有份见证好友陈炜被求婚，他笑言很辛苦："我守咗个秘密成个月，好似我系新郎哥咁，所有嘢都由我安排，因为佢（陈炜男友）成日同陈炜一齐，佢要偷偷打电话畀我。"他指昨晚自己是第一个喊，跟朱晨丽一齐"喊到猪头"，非常感动："好戥佢开心，因为陈炜系好值得人锡嘅人，佢太好人，我哋成日都笑佢男友坐喺度食残废餐，所以我哋叫佢一定要对陈炜好啲。"
他指会免费为好友设计婚纱作贺礼："呢啲好小事，我一早应承咗。（设计咩类型婚纱？）要睇吓佢拣咗咩场地先谂吓帮佢设计咩婚纱。"
