被弹样衰 何泳芍自信爆棚：审美眼光人人唔同
艺人何泳芍（Honey）3年前参选港姐入行，她形容这段日子"经历好多"，更曾盛传因"样衰"而被调离《学是学非》。谈到当初参加选美，Honey坦言："以香港人普遍对美嘅标准嚟睇，我根本唔算系靓女，入行就系要打破常规，同埋当时我想推广潜水。（成日畀人话似菲律宾人？）系，但喺外国呢样唔系贬意，反而系赞你有异国风情，只系香港呢个地方比较奇怪，所以我宁愿你直接话我样衰！"
Honey本身不觉自己"样衰"，又感激表示："被传样衰时，都好多人跳出嚟撑我，当初听到呢啲传闻都会有啲唔开心嘅，但审美眼光人人唔同，可能有人好锺意我呢type呢。我唔系经典女神，自己都接受唔到皮肤白。自问当时做主持都尽咗力，当然如果可以再嚟一次嘅话，应该有更好嘅表现。"
由主持到转型拍剧，她谦称发觉自己接触得愈多，就愈认清自己的不足："坦白讲以前演戏机会唔太多，近期由参演剧集《智能爱人》到《痞子殿下》，演龄都仲未够1年，我发觉要成为一个真正嘅演员，需要浸淫好耐。当演员其实系好有趣嘅事，感觉就好似我潜水咁，要不停挑战长时间闭气，不谋而合都系无尽嘅锻炼与追求。"
以为只可以做印度西施，
《痞》剧内她的造型相当突出，但暂时却需要卖关子﹕"我只可以话，啲师兄、师姐（剧中其他拍档）见到我落妆返工，就话唔认得头先嗰个系我。"由于天生皮肤蜜糖色，Honey笑指从没有想到自己有演古装的机会："以前幻想自己最多只可以扮演印度西施，依家终于知道大热天拍古装嘅感觉，都系嗰句啦，冇经历过夏天拍古装，又点算入过行呀？"她激赞男主角周嘉洛"提携"："同佢对戏，佢觉得嗰句对白你讲会适合啲，就会好大方咁让畀你讲，完全唔会个人主义。"
Honey对自己要求很高，即使演出只是路人甲，她也不想自己"hea演充数"，有时却适得其反："例如喺《智》剧有场群戏，我帮自己嘅角色设定系傻更更，点知导演问我做乜傻笑，搞到要take 2再嚟，呢件事令我学精咗，唔好喺唔适当时做啲奇怪嘢影响成场戏，某程度上演出系要配合大家嘅。"
场地：丸十寿司日本食堂@朗豪坊
