法言人｜马国明演师爷背法律术语劲痛苦 林夏薇买定合桃进补
马国明曾多次出演大夫、医生嘅角色，次数可媲美做过晒警署各大部门嘅"御用警察"吴卓羲。喺新剧《法言人》中，佢继续係做专业人士——师爷，而林夏薇、黄嘉乐就将会饰演律师，其实马明14年前曾在《律政新人王II》中饰演律师，今次做师爷，他笑言係被降职。"因为剧中我年轻时被人屈使黑钱，所以无办法做到律师。但我喺戏中好八面玲珑，因为律师唔可以自己出去搵生意，要靠我，所以我先係律师楼嘅财政支柱。"
剧中由于有不少专业术语对白，所以林夏薇都话要准备定合桃进补。马明亦补充表示："我地就算喺办公室讨论案情，都有好多术语要讲，真係有好漫长嘅路要走。"马明之所以话漫长路，相信係因为剧集要拍到明年3年，变相今年嘅圣诞要在工作中渡过。"因为佢（汤洛雯）都开紧《隐门》，大家都有共识，唯有睇下开工前后有冇得见到。"
另外，提到获热捧为《万千星辉颁奖典礼2021》"最佳女主角"大热人选，林夏薇就话本来都冇谂太多。"近排愈多愈多路人过嚟同我讲加油，我就会……反而係好惊佢哋失望，而会开始紧张，而家同视帝一齐开工，希望佢今年锦上添花之馀，都可以比啲luck我。"马明在旁表示睇好林夏薇，但亦笑言自已有几位心水人选。"但激烈先好玩，如果一个玩又好似冇咩瘾咁。同埋好似佢所讲，观众锺意你个角色已经係成功。"
