尖沙咀快闪跳舞 锺柔美兼顾学业同工作有妙法
《声梦》学员锺柔美（Yumi）、詹天文（Windy）、文凯婷、潘静文等，今日（12日）到尖沙咀巴士站《青春本我》广告牌前快闪跳舞，吸引粉丝到场支持。Yumi表示是首次在街头快闪，笑言觉得好刺激："一落车就即刻跳舞，又好多人。"问到可怕在街头多人危险？Windy说："头先行过嚟嗰阵畀个女人迎面撞倒，有少少吓亲，但冇咩事，都预咗会有少少混乱。"
讲到她们近期密密宣传，又要兼顾学业，可会觉得辛苦？Windy说："又冇，做宣传好开心。"Yumi亦说："做宣传可以畀观众更加认识我哋，唔会辛苦，虽然又返学又做嘢系有啲Chur，但我哋都开始适应，慢慢搵到好方法兼顾学业同工作。"
讲到炎明熹（Gigi）今日病倒缺席活动，Yumi惊讶表示不知情，Windy就表示昨晚（11日）于《欢乐满东华》见到对方个样都有点攰，问到可担心自己挨不住？Yumi就说不担心："无论几辛苦都会坚持，当然都会畀空间自己休息，唔会夹硬强逼自己。"Windy亦表示现时会食得健康，一星期会做两、三日运动。
讲到Yumi将于12月21日15岁生日，她笑言当日是假期前最后一日上学，问到可用工作？她说："暂时未知。（点庆祝？）未谂呀，到时先算啦，都会同屋企人庆祝，睇吓有冇时间同朋友玩。"
