全民造星IV︱许廷铿顾上又顾下 被阿妈问到口哑哑
ViuTV大型偶像育成节目《全民造星IV》今晚（25日）举行总决赛，李嘉欣与谢安琪为比赛担任评判，嘉欣在现场谈笑风生。而身为导师的许廷铿表示要顾上又要顾下，顾上是今日是妈咪生日，顾下就要睇住一班女（参赛者），笑言："我阿妈都估唔到我有20几个女，好开心，自己都有送圣诞礼物畀佢哋，就系唇膏，刻咗佢哋个名嘅唇膏，我阿妈都话点解我未结婚就有咁多女，同埋话点解我叫做'熊爸爸'，因为Marf话我好好揽。"
他又谓现时心情很忐忑："一方面叫自己客观啲，一方面都想佢哋做得尽善尽美，我今朝7点已经起身，问佢哋状态点，但Yoyo就唔太舒服，安排咗啲药畀佢食。"讲到三甲可以入到女团，他说："其实今晚想即刻就有个女团名单，心急想知道成团名单，不过相信经理人Wing嘅选择。"他亦表示已有心水，睇完表演再投票，当然是偏心自己的A组，如果B组出色都会投，其中喜欢Gao和WINKA。
而组合P1X3L同是《造星》系列出身，担任表演嘉宾，表示首次在大型骚表演新歌《Just Lean On Me》，有少少紧张。其中Phoebus身为《造星II》冠军，与另外两届冠军姜涛和"折骨Ben"赵祥诚，及20位参赛者一同表演opening。他谓自己有鼻敏感，但不会影响表现，一上台就会忍到。他亦谓有留意参赛者，赞她们又靓又有实力，他们表示睇好Win Win："因为佢系我哋新歌嘅排舞老师，除咗投票，亦会精神上支持佢哋，同私讯佢讲加油。(惊对方做咗女团帮唔到你哋排舞？)都担心，但希望之后可以crossover表演。"
另外，场外摆满粉丝为一众参赛者如Marf、Day等人而设的应援，包括易拉架、相片等，其中Candy有粉丝叫口号。
