合體甜過糖尿 陳豪陳茵媺拍拖收工高度放閃藝人陳豪同太太金因新劇《羅密歐與祝英台》（暫名）而再次夫妻檔合體，陳茵媺更加係首度復出拍劇，雖然早前細女Camilla不幸確診，不過依家佢哋全家出關，兩公婆又可以享受「二人世界」喇！依家佢哋成日都要早出晚歸拍劇，網友都擔心佢哋各有各拍，原來佢哋依家反而可以孖住收工，今日（23日）陳茵媺就晒出佢同陳豪兩個頭貼頭拍拖返屋企嘅合照，佢哋自12年前合作《羅密歐與祝英台》後，終於都再以夫妻檔上陣拍劇，難怪網友睇到合照都大讚佢哋係「神仙夫妻」，24小時見面都仲咁煙韌，真係恨死隔籬！佢哋平時已經好Sweet！早前陳茵媺就話阿女唔Like佢依家個Look。不過睇嚟老公就好鍾意喇，仲約埋一齊收工。反而甜度仲高！陈豪陈茵媺
2022年9月23日 星期五
合體甜過糖尿 陳豪陳茵媺拍拖收工高度放閃 #女神
合體甜過糖尿 陳豪陳茵媺拍拖收工高度放閃
