楊卓娜重提港姐「批肘事件」 感激妺妹楊茜堯撐起全家 #女神

楊卓娜重提港姐「批肘事件」　感激妺妹楊茜堯撐起全家

楊卓娜重提港姐「批肘事件」　感激妺妹楊茜堯撐起全家無綫視后楊茜堯胞姐楊卓娜接受電台訪問時，談及當年與楊思琦參選港姐，被視為三大熱門之一，不過最終倒灶，她說：「那年參選只是不想過刻板生活，我由細到大零自信，碰到難題只會驚及逃避。當年與思琦妹被推為三甲大熱時，是曾想過會入圍三甲。」 可是當年選港姐爆出批肘事件，矛頭直指她致信心崩潰：「當時喺日本，傳媒點名我哋三個熱門出來影相，我因為動作太大，手肘撞到思琦妹，之後就不停指我有幾衰、又批肘、又同所有佳麗不和。每日大大版報道令我好驚，心理平衡唔到，只懂匿埋唔敢同保母講。之後再去韓國亦唔開心，又凍又要着三點式，想瑟縮一角，又被寫成孤獨精，直覺呢行好黑暗好想退選，落敗係因為根本冇信心。其實我同思琦妹好好，到今日仍有聯絡。」她坦言入行初期，曾試過多年月入6千，月花2千的生活，但感激妹妹楊茜堯多年來扛起全家開支，亦對父母感到愧疚。她感觸淚崩說：「我唔想每次訪問講起呢啲話題都喊……你講得啱！我一直逃避問題……但我真係好內疚，甚至對我養父都係，因為我未有供養佢已經離世。所以，依家我嘅目標係努力工作、賺多啲錢，我媽媽行得走得都係靠妹妹照顧，我希望他朝有一日，我有能力照顧番佢。」而談及與「燈箱大王」楊志翹的多年情，與男方未婚懷孕育有一女，她表示曾逃避對方追求：「佢兩個女係我做手工藝老師嘅首批學生，最初佢追求我嗰陣，我拒絕好多次。因我係好簡單嘅人，最怕複雜。首先係佢前妻離世有兩個女，我既係老師，又唔知點做繼母，另外我當時有一個交住十一年但冇感情嘅男友。我哋足足拖拉咗一年幾，人就係犯賤，到佢放棄想做番朋友，我先認清佢係soul mate，我亦很感激佢同家人，將好多我以為好複雜嘅問題變得簡單。」與兩繼女相處融洽，關係儼如朋友，問她怎讓繼女接受自己，她哽咽感動說：「最初都小心，我冇要求佢哋叫我做媽咪，係佢哋主動同爸爸講：『我唔想再叫Miss Yeung，想叫媽咪！』我好感動我嘅默默付出，小朋友係見到同感受到。」至於為何二人至今仍未註冊結婚，她透露另一半已求婚多次，現只欠手續，她亦希望男友再精心炮製一次浪漫求婚，讓她畢生難忘。楊卓娜日前接受電台訪問。重提當年與楊思琦參選港姐嘅「批肘事件」。又感激妺妹楊茜堯多年撐起全家！杨卓娜