陳自瑤升LV爭視后感驚喜 炎明熹唱而優則演入圍女配 #女神

陳自瑤升LV爭視后感驚喜　炎明熹唱而優則演入圍女配

陳自瑤升LV爭視后感驚喜　炎明熹唱而優則演入圍女配無綫今日舉行記者會公布頒獎禮提名名單，其中陳自瑤（Yoyo）憑《回歸光影頌：母親的乒乓球》獲入圍最佳女主角及最受歡迎電視女角色兩項提名，她坦言沒想過自己有份入圍：「我以為因為我係上年女配得主，所以今日叫我嚟揭曉名單，今年我冇乜劇播出，一直以為冇份提名，依家有覺得好開心同感恩。（有冇信心攞獎？）今年可以提名女主角已經係成就解鎖，老實講真係冇信心攞，因為套劇係單元，我去頒獎禮都係支持吓其他人。」問她看好視帝及視后誰屬？Yoyo表示支持劇集《下流上車族》的江美儀及林敏驄：「美儀係好戲之人亦係前輩，好鍾意睇佢做戲，名單中好多人都做得好好，唔知點揀。（最佳劇集呢？）《下流上車族》好好睇，內容好貼地，《美麗戰場》又好有話題，仲有《超能使者》。」最後Yoyo不忘為自己主演的劇集拉票，笑言：「我套劇都好睇，好溫情，我第一次演小人物，飾演單親媽咪希望大家投我一票。」陳自瑤擔任嘉賓公布台慶頒獎禮入圍名單。陳自瑤升LV入圍視后。佢直言冇諗過。聲夢人氣王炎明熹（Gigi）歌而優則演，憑《青春本我》而首度入圍最佳女配角、最受歡迎電視女角色及飛躍進步女藝員獎，成就解鎖，而她在最受歡迎電視歌曲獎中，有3首提名歌，至於JW王灝兒則以6首歌入圍該項提名，JW同時憑《痞子殿下》及《青春本我》提名視后、最受歡迎電視女角色及飛躍進步女藝員獎，首次提名視后。炎明熹則入圍女配角、我最喜愛女角色及女飛躍獎項。陈自瑶炎明熹