劉佩玥獲獎感激拍檔愛錫 陳展鵬：前世欠咗你！ #女神

劉佩玥獲獎感激拍檔愛錫　陳展鵬：前世欠咗你！

劉佩玥獲獎感激拍檔愛錫　陳展鵬：前世欠咗你！無綫劇集《超能使者》一眾演員晚上在尖沙舉行慶功宴，慶祝陳山聰奪得無綫「視帝」、陳展鵬與劉佩玥則贏得馬來西亞「視帝」與「視后」獎項，齊齊開香檳、切蛋糕乳豬慶祝，相當高興。劉佩玥成績有目共睹。今次飲得杯落。展鵬戥陳山聰、劉佩玥攞獎開心，他說：「同阿Moon喺《城寨英雄》已經合作，山聰就《張保仔》，今次3個再合作真係好開心。」Moon則說：「感恩遇到展鵬咁好嘅演員，佢係其中一個好仔細、細心去幫自己嘅一個人，我好多謝佢，同埋好多人好錫我，係前世修來嘅福分。」展鵬笑說：「可能前世真係欠咗你。」齊心就事成。展鵬自爆原來是視帝「明燈」，過往開口貼過的心水視帝好似馬國明、袁偉豪皆落敗，故今年希望山聰攞獎的心願，一直放在心裏面隻字不提，改由女兒拍片打氣，最終看到山聰順利稱帝。奪得馬來西亞視帝的他被問到會否「造人」慶祝得獎?他笑謂已經成屋女人，希望追個仔平衡一下，但也擔心再生的也是女兒，令陰盛陽衰加劇，他說：「生B隨緣啦，都想屋企多啲人，啲老人家講得啱，生完就好想再生。」劉佩玥指近期忙拍劇，笑言慶祝有拖冇欠，亦希望將得獎壓力變成動力，努力演出。陈展鹏刘佩玥