因為愛情︱連詩雅發脾氣鬧阿媽 哽咽：我唔要錢呀！ #女神

因為愛情︱連詩雅發脾氣鬧阿媽　哽咽：我唔要錢呀！

因為愛情︱連詩雅發脾氣鬧阿媽　哽咽：我唔要錢呀！歌手連詩雅（Shiga）主持J2台節目《因為愛情》，其中一集講到港台夫妻因疫情分隔兩地，5歲女兒沒有因母親照顧妹妹而呷醋，Shiga於節目中紅着眼哽咽說：「我細個冇呢個小女孩咁生性，當我5歲時，我係唔明白點解媽媽由朝到晚都要返工，點解唔可以早啲返嚟屋企，我好深刻喺我5歲嗰時，我發過一次好大嘅脾氣，我問媽咪『點解你要出去工作，點解你唔可以陪我？』我話我唔要錢呀，我淨係要媽咪！依家大個明白咗，諗返轉頭就會覺得自己原來係咁衰。」談到異地戀，她透露只經歷過一次，並坦言不太能接受：「讀書時經歷過，對方去咗美國讀大學，好快我知道我唔係好適合異地戀。首先要各自都好獨立，雖然生活上有好多嘢我可以處理，但我喺情感上係會幾依賴另一半，需要感受到對方喺我面前，當然依家科技好發達可以視像，但我成日覺得隔住個Mon感覺係唔同嘅。」連詩雅曾發脾氣鬧阿媽。連詩雅講到哽咽！連詩雅與媽媽！连诗雅