平反黑面風波 鍾嘉欣加國Nice爆廁所合照都OK藝人鍾嘉欣去年深陷「黑面」風波，有網民指要求同佢影相時，鍾嘉欣拒絕對方，又有「舊街坊」稱佢成日黑面、擰歪面、嘖嘖聲等，疑被網民惡意抹黑。不過近日有網民指偶遇喺加拿大溫哥華定居嘅佢，當日佢一家五口現身購買滑雪裝備嘅店舖，大讚佢親民貼地，笑住同佢say hi之餘，皮膚又亮又白，同電視上嘅佢零分別。該網民指自己唔想打擾鍾嘉欣，雖然只係遙遠拍攝女神側面，但其他網民依然大讚鍾嘉欣360度無死角。今次網民巧遇完鍾嘉欣，隨即引嚟多位加國「街坊」現身，話成日都見到鍾嘉欣每日推BB車，親自接送仔女返學，亦有人為佢平反，指佢真人相當友善，就連去商場廁所撞見佢都可以合照，當時佢仲無視經理人唔同意添。上年網友就「圍攻」話鍾嘉欣成日對路人黑面。點知去到加拿大，啲網民就話佢Nice到爆！一家五口去買嘢，都笑笑住同網民say hi。側面都咁煞食。钟嘉欣
2023年1月17日 星期二
平反黑面風波 鍾嘉欣加國Nice爆廁所合照都OK #女神
平反黑面風波 鍾嘉欣加國Nice爆廁所合照都OK
