黃翠如三妹與音樂人結婚 五妹肚凸凸疑有喜無綫花旦黃翠如一家有五姊妹，佢排行第2，日前佢三妹黃麗茵出嫁，與拍拖逾4年的音樂人黃靖舉行婚禮，雙方家長以及一眾親朋戚友到賀，場面熱鬧！但係翠如同老公蕭正楠避免搶一對新人風頭，喺社交網晒出婚禮現場嘅相片中，未見佢哋出鏡！一對新人由朝玩到晚，仲喺社交網晒出過大禮、拍攝婚照花絮等片段，而婚禮喺戶外1間白色玻璃小屋舉行，着露肩婚紗嘅新娘子，由新郎哥拖住進場，親友沿路拋起花瓣，非常浪漫。新郎哥即場自彈自唱自創歌曲，冧讚老婆廚藝了得，更邀請全部家人一齊唱。影全家福時，發現翠如五妹黃曉琪着上鬆身裙肚凸凸疑有喜，睇嚟黃家可能係雙喜臨門呀！翠如五姊妹都感情要好，大家姐黃翠紅係工程師，三妹黃麗茵係藝術家兼廚師；四妹黃曉芙本身係外國電視台旅遊編輯，而五妹被網民形容同翠如「餅印」一樣，曾做擔任短片女主角，當時獲網友讚有「仙氣」，但最後未有出道。黃翠如三妹黃麗茵舉行婚禮。黃靖即場自彈自唱！合巹交杯！Sweet爆咀嘴！翠如五妹（左6）肚凸凸疑有喜！翠如就未有出鏡！#黃翠如#
2023年2月12日 星期日
黃翠如三妹與音樂人結婚 五妹肚凸凸疑有喜 #女神
黃翠如三妹與音樂人結婚 五妹肚凸凸疑有喜
