楊千嬅兒子遺傳唱歌基因 好想參加《聲夢》！ #女神

楊千嬅兒子遺傳唱歌基因　好想參加《聲夢》！

楊千嬅兒子遺傳唱歌基因　好想參加《聲夢》！歌手楊千嬅以一頭標誌性的紫色頭髮亮相J2台節目《鋪鋪Poker》，她大爆自己與主持郭偉亮（Eric）的秘密，原來他們是同年同月同日生，是典型水瓶座性格，上星期生日齊齊步入49歲。節目開始另一主持劉浩龍問千嬅，大懲罰最驚會遇到甚麼物種，千嬅說︰「蛇蟲鼠蟻是基本驚，有毛滑潺潺、曉郁有生命都驚。」她又自爆老公丁子高出門前的叮囑︰「佢叫我睇路囉，小心啲出牌。開頭以為佢驚我輸，原來佢係唔想我輸得咁核突。」千嬅講到早前Halloween為兒子丁進諾布置屋企，原因是他不單儀式感重，而且喜歡扮嘢，更遺傳父母鍾意唱歌的特質，她說︰「佢好鍾意唱歌，仲睇晒《聲夢傳奇2》識晒啲學員名，所以佢識Eric（《聲夢2》導師之一）。佢叫我問吓點樣參加。我話你唔好言之過早，10歲咋。佢唔知以為係玩Game，唔明個樣嘢，唔明個壓力喺邊度。」另外，打從做女開始，鮮有下廚的她，近年已榮任為廚娘，雖然未至於出色，至少識煮。原因是老公喜歡食之外，更會評頭品足，但更多的是想可以親手煮餸給兒子吃。一齊玩Poker！楊千嬅與郭偉亮同年同月同日生。楊千嬅話兒子遺傳唱歌基因。楊千嬅兒子好想參加《聲夢》！杨千嬅