陳敏之Keep得又索又Fit 新劇演名媛與阿佘再擦火花 #女神

陳敏之Keep得又索又Fit　新劇演名媛與阿佘再擦火花

陳敏之Keep得又索又Fit　新劇演名媛與阿佘再擦火花藝人陳敏之近年甚少拍劇，一來要專心照顧兒子，其次是她剛剛開了自家品牌護膚產品，故都相當忙碌，繼之前拍攝無綫劇集《黯夜守護者》後，她都未有接拍劇集。不過，敏之日前獲監製鍾澍佳之邀請，為3月開拍的重頭劇《NEWS新聞女王》客串，劇中會飾演一位名媛，她接受東網獨家訪問時謂：「係呀！我會客串，好開心可以同佳導再合作，好多年前我簽畀黃百鳴嗰陣拍過電影《月滿抱西環》，當時男、女主角係張智霖、佘詩曼，我喺入面都有個角色，當時執導嘅就係鍾澍佳，好開心多年後佢搵我一齊拍攝。」陳敏之多年來樣貌、身材keep得相當好。敏之對上一套劇是《黯夜守護者》。說到此劇陣容強勁，佘詩曼回巢助陣拍攝，敏之謂：「我對上一次拍阿佘拍已經係《使徒行者》，都好多年前，所以今次好開心可以同佢哋再合作，大家都識於微時。」敏之多年來身材Keep得甚Fit，說到劇內做名媛一定多靚衫着時，她說:「我都冇諗，有靚衫着當然好開心，都好期待快啲開拍！」與阿佘多次合作的她，對今次再踫頭相當期待。陈敏之