星岛网：导演贾胜枫激赞Sammi完美演绎「天美姨姨」外表硬净内心脆弱扮坚强
导演贾胜枫的首部电影《流水落花》以寄养家庭为背景，邀得天后郑秀文（Sammi）合作，他坦认最初担心对方不答应，亦顾虑大明星难沟通，结果Sammi在片场就是角色「天美姨姨」，任小演员爬上大髀玩，又踢住拖零架子跟贾导倾戏，跟台上的天后气场判若两人。
采访：杜杜 摄影：谭志光 场地：K11 ARTUS
贾导对寄养家庭背景有兴趣，除了有朋友曾是寄养儿童，对这方面有多点了解外，新导演以家庭背景创作故事较易令观众有共鸣。而他跟编剧太太罗金翡构思剧本时，已铁定男、女主角是陆骏光和Sammi，前者因拍短片时认识，就像「何彬」一样有大细路性格，而后者虽不认识，但就跟角色特质不谋而合，「渠畀人感觉外表好硬净好倔强，内里有少少脆弱同温柔，同角色系perfect match，『天美』死咗个仔，要撑住令人觉得渠OK冇事，扮到好坚强，我搵唔到第2个女演员更适合。」
Sammi同小演员似家人
首次执导长片便想跟天后合作，贾导直认最初打定输数Sammi未必答应，到答应后又担心难沟通，不过甫合作已令他紧张全消，「一开始谂佢咁资深同过咁多导演合作，一定会评价我，但渠入咗片场就系『天美姨姨』，会踢住拖鞋，坐喺床上面抹住汗同我讨论应该点演，连唔使出镜，行步路都系『天美姨姨』，睇得出渠私底下做咗好多功夫同研究，呢种亲近，好快令我放低紧张。拍完戏（2021年）后Sammi叫我睇佢演唱会，渠喺台上又唱又跳，嗰吓先醒觉，Sammi系一粒星嚟，突然感觉『天美姨姨』走咗嘞！嗰吓都有少少眼湿湿唔舍得。」
Sammi和陆骏光要跟好多小演员演多场感情戏，贾导大赞他们的专业令拍摄更顺利，「两个主角知道唔系要拍嗰吓先同小朋友建立感情，所以渠哋唔使埋位时，会同我坐喺房一齐睇Mon，啲小朋友好自然爬咗上渠哋大髀一齐睇，喺度胡言乱语，就好似一个家庭，渠哋镜头外都咁玩，入戏就好容易。」
