楊千嬅林峯交流湊仔經：唔認老都唔得！ #女神

楊千嬅林峯交流湊仔經：唔認老都唔得！

楊千嬅林峯交流湊仔經：唔認老都唔得！藝人楊千嬅、林峯、黃宗澤、吳卓羲、林保怡、陳慧珊、炎明熹、曾比特、吳若希及胡鴻鈞等下午（25日）現身澳門，出席《無限超越群星演唱會》拜神儀式及為演唱會採排。正在放長假休息的千嬅表示對上一次來澳門已是年多前，指今次演唱會以劇集歌為主題有傳承意義：「播番以前電視劇啲樣，好在係攞劇集《多功能老婆》唔係《美味情緣》嗰啲樣，我諗唔係得我一個人驚啩？青葱到曬燶咗咁，哈哈！」她指與《美》劇中的拍檔林峯識於微時，指大家也組織了家庭，笑指現時與對方話題已與往日不同：「唔認老都唔得，以前講去邊度玩、買乜嘢？依家就講仔女，遲吓應該要傾中藥同養生。」 她指疫情幾年令巡迴演出取消，正打算籌備再做，並會加入新元素，但先待復活節與囝囝去完旅行才開始：「我真係冇吹水，我上次話報復式旅行，說到做到！（不如轉做旅遊節目？）我想㗎！有冇人介紹？我真係鍾意，大咗追求嘅嘢唔一樣，可能係生活、家人，想享受生活。」另談到她於上海跪地幫兒子試鞋，被讚放下天后身份，她解釋是作為母親應做的事。楊千嬅自認老！楊千嬅同林峯識於微時。林峯有同楊千嬅傾湊仔經。而吳卓羲、林峯及黃宗澤應傳媒合照時，發生了小插曲，於內地綜藝節目《無限超越班》中有份演出的內地女藝人趙櫻子，突然攝位走到三人旁加入合照，令三子一臉愕然。三人表示入行多年從未試過一起拍劇，故昨晚難得能三人在酒店房傾足一晚，想想大家能從哪方面合作，Ron説：「我哋好少3個人可以坐埋一齊傾偈，係第一次，一個敷Mask、一個夾頭髮，好麻甩！」Bosco則指三人可以給觀眾看私下真面目：「不過我哋走埋一齊好攤搞，經常失控，哈哈！」林峯更笑指內容或會超出尺度而不能播出。Ron與林峯又趁機埋怨Bosco一直未有參與《披荊斬棘的哥哥2》，Ron說：「叫佢去又唔去，又話冇期，又話要拍戲，啲戲全部都畀佢拍晒啦。」三人希望日後能每月一聚找些事做，例如拍廣告、做綜藝或拍短片為三人留下美好回憶：「去拍旅行又得，飲食又得，好多嘢可以三個一齊發生。」問到今年內是否能成事？Ron笑謂：「《披哥》就嚟開喇，又唔知佢去唔去？」林峯即表示若Bosco上《披哥》，他們必定會去撐場。另外，談到有指TVB會裁員，他們指市道剛剛轉好，希望不要真的發生。吳卓羲（左起）、黃宗澤、林峯現身。杨千嬅林峯