女優老婆晒深長事業線 吳業坤影港版婚照被質疑 #女神

女優老婆晒深長事業線　吳業坤影港版婚照被質疑

女優老婆晒深長事業線　吳業坤影港版婚照被質疑歌手吳業坤去年5月突然宣布同日本藝人濱口愛子結婚，愛子現已隨夫來港定居做「香港媳婦」，上周二人補擺婚宴，估唔到原來吳業坤為太太，再次豪使去影港式婚照留個紀念，做廿四孝老公！見二人喺電車路上拖手，又上電車依偎合照，亦唔少得以中環做背景嘅夜景相，極盡香港特色，同早前已曝光嘅日本文青系婚照完全唔同feel。上次輯相，愛子完全收起好身材，反而今次佢件婚紗就有睇頭得多，不但晒肩及谷出事業線，加埋薄紗等設計若隱若現好吸睛。吳業坤就大爆太太好鐘意香港嘅感覺，不過啲相入面，見多張相均模糊背景，似足P圖，搞到有網民懷疑係合成照。中環夜景，有！電車路，有！甜蜜依偎，有！不過網友留意嘅就好似唔係兩位主角。佢哋嫌個background blur得太厲害。笑啲相似合成圖。吴业坤