明报OL：隐形战队｜刘颖镟彩虹水著Look曝光 难忘抵冷做"出水芙蓉"
TVB剧《隐形战队》集合四大元素—剧情、动作、性感及悬疑，众演员的身材更是焦点所在。女主角Body之争，则非刘颖镟（Tiffany）与刘佩玥（阿Moon）莫属，被封新一代性感打女的Tiffany，操出女性10%极限体脂及蜜桃臀，练成"最强Body 2.0"，不但腰前马甲线清晰可见和腰肢零赘肉，臀部更升呢至"蜜桃臀"，展示为时几个月地狱式特训成果。
明晚（10日）一集，Tiffany身穿水著画面将登场，根据官方发布宣传照，一身"彩虹战衣"的Tiffany，以出水芙蓉姿态出场，其中一张从未曝光全新湿身水著照，除了Tiffany身上面的水珠，其身后的水花背景及飘逸秀髮，令性感指数大大飙升。
在另一辑照片中，Tiffany婀娜多姿的上水背影亦相当吸睛，除了身形煞食，Tiffany表情亦可爱娇俏，魅力指数爆灯。至于肩负"诱惑担当"的Moon，则身穿粉红色斜肩设计一件头泳衣登场，除了突显白晳肌肤，一双修长美腿亦是相当屈机。
Tiffany表示拍摄当日早上"唔敢食嘢"："我练咗啲腹肌都好想出到，但嗰排开工都开得密，冇特别抽到时间再操好啲，所以只能朝早唔食嘢，淨係饮斋啡去keep。其实我哋拍嗰个泳池，因为畀个屋苑遮住咗啲太阳，我记得拍嗰日係超级冻，我每次落水都好似入咗冰水咁，最惨係我又怕冻啦，嗰日落到水当然超冻，但唔落水企喺度其实都係冻。"
Moon则指拍摄当日除了没阳光，而且很大风，她全程最担心Tiffany："我哋镜头前面可能好靓啦，但其实暗底係起鸡皮，我哋互相帮大家取暖，例如佢落咗水或者上水，我就好紧张畀条毛巾佢，或者问佢冻唔冻、要唔要饮热水。都好彩有佢陪我，都拍得几开心，因为拍摄场地好多人，又好好玩。"
