法言人丨康華為角色勒瘀大髀 馬明有職場寫輪眼 #女神

法言人丨康華為角色勒瘀大髀 馬明有職場寫輪眼

法言人丨康華為角色勒瘀大髀 馬明有職場寫輪眼今個星期先開播嘅劇集《法言人》，隨住劇情發展，其他角色都陸續登場，當中包括喺第三集飾演已故黑幫頭目老婆 Macy嘅康華。劇中飾演健美中心老闆娘嘅佢，以空中瑜伽半天吊嘅方式出場，雖然已經51歲，但係保養得宜嘅佢身材、外貌都相當相當弗。雖然呢個鏡頭只有幾秒，但為求盡善盡美， 康華事前就喺劇組安排下，專誠上堂學瑜伽。唔好以為瑜伽對本身有舞蹈底子嘅康華嚟講冇難度，其實佢上堂前勁擔心，仲話自己已經好耐冇做大幅度拉筋，所以一知道要咁就 Keep 住每日做15至30分鐘拉筋，佢話：「上完第一堂時真係周身痛呀，大髀畀啲繩勒到瘀晒，我先知原來咁辛苦， 空中瑜伽唔止要柔軟度，都仲有好多力學同技巧喺入面。」雖然身材已經弗到爆，但康華指空中瑜伽啲衫有啲蝦人着，所以拍攝前佢都有特別留意飲食，仲差唔多日日起身都做半小時運動， 修吓肚腩、手臂同大髀等。喺劇中飾演律師田佑家嘅林夏薇，因為皮膚白淨、加上做律師入型入格，所以被封「索爆女律師」。薇薇喺受訪時亦有大方分享護膚秘技，佢話即時唔夠時間休息，喺保養皮膚方面都唔可以偷懶，妝一定會落乾淨以免毛孔塞：「另外保濕都要做足，除咗得閒會敷面膜， 都要內到外配合，好似飲多啲水。我自己會飲蔬果水，每日都切唔同嘅水果沖水帶 去開工飲，補充維他命C。」另外，由於兩線劇均擔由馬國明擔正，所以無綫社交網平台「SeeSaw 先」亦將馬明昔日演出片段剪輯咗一條名為「香港職場森川葵」嘅片，話佢有職場寫輪眼，從而嚟畀大家重溫馬明做過嘅角色。法言人康华kennethma马国明