一舞傾城｜陳法蓉對敵莊鍶敏 出動低胸、貼身衫：有老師主題之夜 #女神

一舞傾城｜陳法蓉對敵莊鍶敏　出動低胸、貼身衫：有老師主題之夜

一舞傾城｜陳法蓉對敵莊鍶敏　出動低胸、貼身衫：有老師主題之夜陳法蓉同滕麗名好投入。（葉志明攝）由王晶監製嘅新劇《一舞傾城》將在下月播出，劇中幾位女主角陳法蓉、蔡潔、陳星妤、傅嘉莉、莊鍶敏昨晚（18日）於將軍澳電視城錄影《獎門人》。陳法蓉於劇中飾演媽媽生，她透露莊鍶敏是死對頭，每日都打扮得花枝招展，而自己亦會有一些玲瓏浮凸嘅戲服。「有旗袍、有低胸、有貼身，爭在無泳衣，有時啲主題之夜仲會係老師，好多花樣，各位老闆記得要睇。」陳法蓉笑言拍攝時比預計中攰、加上天氣炎熱，所以完全不用刻意修身，她說：「今次每位女主角都有自己故事，我嘅丈夫係黑社會，因為幫阿公做嘢所以坐監，到佢出返嚟之後我哋有親熱戲，但我嗰啲無得同莊鍶敏比，甘拜下風。」佘詩曼媽媽Lily亦觀眾之一。（葉志明攝）陳法蓉表示近年較少拍劇，所以十分感謝曾志偉同王晶將角色預留給自己。「差不多7年冇拍TVB劇，再有機會同香港觀眾見都係開心，同埋好似返娘家，感覺唔可以衰，希望播出時大家會鍾意。」陳法蓉又指，比起《華燈初上》，她覺得《一舞傾城》更有《應召女郎》的風格 ：「同埋個景真係做到好靚，同大咩咩夜總會差不多，個廳有架勞斯萊斯。」陈法蓉