星岛网：江美仪㩒捞烂做冇投诉恨赚外快 酬宾价接Job庆祝攞视后
江美仪年初凭《下流上车族》首夺视后，在得奖后的首部作品《隐形战队》中，跟刘颖镟的母女情再被讚赏。原来美仪这个"妈咪"，同"仔女"有特别沟通方式，令大家更投入演出。而早前获"华鼎奖"视后提名的她，以酬宾价接Job庆祝攞视后，另外，6月会去日本跑山奖励自己，更想拍亚洲素食旅游节目。
採访：杜杜 摄影：钱文坤 髮型:Ivan Lee@headquarters
美仪坦认攞完视后只是一个阶段的结束，新阶段开始便是由零开始。
谈到首次合作演母女的刘颖镟，美仪有讚冇弹，"佢真係好搏，又靓女身材又好，但佢唔会恃住靓同埋身材好就唔努力，佢好勤力去健身又成日打到瘀晒，佢嘅努力过多几年一定会有更好成绩。"
虽然美仪经常跟剧中仔女有衝突，但私下却跟他们相处融洽，原来有秘诀，"我都係用嗰个方法，就係叫佢哋做功课畀我，要佢哋谂两个角色之间关係，个角色点解会做呢啲嘢，佢会对于个角色更加了解，我同啲仔女啲关係就係咁建立。"
"华鼎奬"有提名当攞奖
继夺得TVB视后，美仪开心凭《下流上车族》再入围内地"华鼎奬" 最佳华语女主角最后8强，她笑言港剧女主角只得自己有提名已当得奖。她又感恩得奖后刚巧通关，希望有机会去其他地方赚外快，更宣佈会以酬宾价接工作，"庆祝我攞视后，价钱係大酬宾，总之电视框（Discount）好大，优惠去到几时就睇大家反应，热烈就继续落去，我呢啲㩒捞烂做冇投诉，少吃唔多餐，仲要係食斋啫！哈哈！"
美仪已计划好6月跟10多名朋友到日本长野参加跑山比赛，之后转战东京玩，"之前去日本行山就有，第一次去跑山，但唔会博老命，都係搵藉口参加比赛又留吓倩影呃吓like，之后再去东京行outlet疯狂买嘢，2020年嘅3月后我都冇去过旅行，係时候去玩吓。"
此行她还打算为筹拍的旅游节目做资料搜集，"我提议拍个节目去外地食素菜，旧年唔係疫情就拍咗，希望今年可以拍得成啦！"
