香港01：叶璇自爆直播孖辫露腩属角色需要 唔觉放下身段︰唔丑卖唔到货
叶璇专注内地发展多年，近日激罕回港拍剧，首度参演ViuTV剧集《法与情》。早前她在内地开直播时被指大走样，腰间"士啤呔"表露无违，但今日她状态回勇，身穿贴身裙侧看都冇肚腩。她表示不介意被取笑，因为直播造型只是角色需要，亦不觉得是放下身段去扮丑，若有人认为她丑，即代表她成功。
叶璇今日出席ViuTV剧集《法与情》拜神仪式，她在剧中饰演未拍过拖的隐形富婆，将会与贾晓晨（JJ）争仔。早前叶璇在内地开直播、带货等，被指大妈味浓，与早年的古典美人形象对比甚大，不仅腰间赘肉明显，更被指粗鲁冇仪态，不过她今日就回复状态。著住花裙的叶璇腹部扁平冇肚腩，但她受访时指自己冇刻意瘦身，更自爆之前直播的肚腩原来是假的！
叶璇指见到网民对直播的评价冇生气，并说："都係角色嚟㗎啫，做Artist咩都係角色演出，我好多面，扮丑、扮靓、扮老、扮嫩、扮男、扮女都得，导演可以搵我。"她无惧网民评价，若有人觉得她丑，即代表她成功："譬如我扮奸角，啲人好嬲我，即係我成功囉？扮丑，啲人话我又肥又丑，咪即係我成功囉，唔丑就卖唔到啲货。角色係咁就要咁，唔通你做床戏，人哋又觉得你真係好姣咩？"
谈到她在直播的造型又扎孖辫又露腩，她否认是放下身段，更表示："一个专业、有身段嘅演员先会丑同靓乜都扮！"今日状态回勇的叶璇指自己冇刻意瘦身，反而乜都食，被问起片中见到她有士啤呔，她说："乜都可以做，造形可以係做出嚟嘛。（士啤呔係假？）係呀，係呀。"
讲到今次久违返港拍剧，她指已3、4年冇回港，因角色好吸引，饰演纯朴、善良、又未拍过拖的富婆，更会与JJ一齐争仔，被问到争边个，叶璇即扮可爱说："咪关智斌囉，我BB囉！"
JJ表示老公樊少皇知道自己有性感戏和床戏，曾叫她不要接戏，叶璇即问："吓？你同佢讲咗喇？叫你唔好接你都接，咁要离婚喇？"JJ笑说："差唔多㗎喇！"又提议叶璇不如做她的"床替"，代她跟Kenny亲热，叶璇就笑说："我做武术指导啦，我都同BB有床戏，不过係病床。"
