佘詩曼成「萬歲王」 高海寧買200個冬甩打氣「回禮」藝人佘詩曼、李施嬅及高海寧（高Ling）現時正為無綫新劇《新聞女王》拍攝中，佘詩曼戲內戲外貴為「一姐」，當然甚有阿姐風範，除了不時指教新人外，更經常派福利，既買靚湯，又「萬歲」請大家食宵夜。而高Ling亦好識做禮尚往來，昨晚大夥兒於錄影廠拍攝大場口，她就買了200個冬甩為大家打氣，李施嬅、佘詩曼、何廣沛、林正峰等都有於社交平台出PO多謝高Ling的心意，近排劇組為趕拍不時拍至凌晨，絕對是苦中的一點甜。高Ling接受東網訪問時謂：「係呀！我哋尋晚拍到好夜，拍到2900（凌晨5點），所以萬歲咗啲donut，但係其實我係第一次萬歲，平時阿佘、馬國明係一不停咁請我哋食好嘢！」而阿佘受訪時亦開心謂：「尋日好開心，高Ling萬歲呀！因為我話好鍾意食呢個donut，佢就去訂，全組人都食得好開心。」高Ling咁有心，李施嬅都有喺社交網晒相多謝佢。高Ling仲親自分donut畀台前幕後同事。阿佘食得好開心。佘诗曼
2023年5月26日 星期五
佘詩曼成「萬歲王」 高海寧買200個冬甩打氣「回禮」 #女神
佘詩曼成「萬歲王」 高海寧買200個冬甩打氣「回禮」
