明报OL：法言人｜容天佑"弯腰救美"有压力 麦玲玲演贵妇出动私伙
TVB剧《法言人》下周踏入结局周，法庭个案浪接浪。昨晚（4日）一集个案主角，是特别演出贵妇白小姐的麦玲玲，白小姐因跟洪律师（庄锶敏饰）学跳舞结识了Nathan（陈俊坚饰），并遭对方骗去2000万，遂要求金师爷（马国明饰）讨回公道。
另因白小姐经常失惊无神现身律师楼，两度妨碍Tony仔（容天佑饰）收工拜祭亡母，2人因而结冤，幸最后Tony仔混乱中勇救白小姐，2人关係180度逆转，白小姐还收了Tony仔做契仔。
自《法言人》播出后，容天佑凭性格单纯、坦率又热心的Tony仔角色成功入屋，加上天佑真人与Tony仔一样，天生一副好身手，昨晚天佑为捉Nathan，再度"大脚趷起"，为配合剧情需要，不但收放自如，还使出一招"弯腰救美"。
谈到相关场口，容天佑笑言："又唔係特别难嘅，因为无论如何，我都一定要接住玲玲姐，接唔到就大镬，不过玲玲姐身手超级灵敏，著住高踭鞋咁样弯腰落嚟，都难佢唔到，果然厉害。"
他表示该场口拍摄难度，反而在于"伸缩脚"："将脚踢出去就容易，踢出去唔碰到目标都唔难，最难係要隻脚已经出咗去，然后唔畀你伸直，夹硬抽返番嚟嗰下就超级辛苦，就好似你想打喷嚏，但係又打唔出嗰下感觉，好唔爽。"
玲玲姐则笑言最怕"责"亲天佑："其实事前试位试咗好耐，佢有叫我放心责落佢度。天佑又真係几有功架，佢本身有练过拳同功夫，所以反应係几好。"
谈到昨晚演出由头带到落尾，玲玲姐笑言过足戏瘾："今晚好多朋友打嚟，又影相Send畀我，好开心！拍嗰时梗係开心，因为我好少拍呢种角色，做番自己多，都係家豪哥（刘家豪）畀最多机会我去做啲唔同角色。"
为了认真做好白小姐，玲玲姐除了先腾出时间迁就剧组再安排其他工作，更是所有手袋及服装均是私伙，套装更全部开剧前，已找设计师度身订做："今次所有衫同手袋都係私伙，我唔係艺人身形，所以我宁愿自己安排好晒。"
