鄭欣宜離奇失聯兼停工2個月被傳戀愛腦走佬拍拖 #女神

鄭欣宜離奇失聯兼停工2個月　被傳「戀愛腦」走佬拍拖

鄭欣宜離奇失聯兼停工2個月　被傳「戀愛腦」走佬拍拖歌手鄭欣宜（Joyce）近年再創事業巔峰，上月更分別勇奪「最優秀流行女歌手大獎」及「年度女歌手金獎」，不過可惜最後欣宜因身體不適，都缺席頒獎禮，事後連得獎感言及病情至今都未有透露點滴。連頒獎禮都冇出現。成2個月未有喺公開場合露面嘅欣宜，對上一次更新社交網已經係4月26日同髮型師Benjamin嘅合照。而欣宜潛水至今，除被傳「扭計」唔肯開工，連經理人公司都聯絡唔到外，更有傳欣宜「戀愛腦」掛住拍拖唔肯做嘢。據悉，欣宜現時男友Derek曾遠赴英國留學，如今則喺香港開花店，年齡方面就大欣宜3歲，甚至喺今年情人節，欣宜更企喺男友Derek花店前打卡放閃。潛水潛到無晒影。連生日都冇現身。另外，於上周生日嘅欣宜亦被捕捉到同男友去日本主題樂園暢玩嘅身影，同行仲有髮型師Benjamin做煙幕彈，而欣宜睇嚟亦十分保護是次戀情。東網聯絡上佢嘅經理人林姍姍，佢就透露欣宜只係病咗，仲嗌大家畀啲時間佢休息。欣宜同髮型師Benjamin感情交好。郑欣宜