鄧卓殷掛住拍片冷落男友 郭子豪瑟縮一角勁陰功2018年度港姐亞軍鄧卓殷（Amber），同男友郭子豪拍拖近4年非常恩愛，仲經常喺社交網放閃，分享二人嘅生活點滴。日前Amber就喺社交網上載同男友去新加坡嘅短片，Amber向男友表示要拍酒店房「開箱片」，男友聽到即刻目無表情兼表示：「Again？」，為求效果精美，Amber游走房間每個角落不停拍，而郭子豪就為免阻住晒，惟有瑟縮喺窗簾後面嘅窗台，或者已經慣咗拍劇一拍十幾個鐘，為免浪費時間，佢先後喺窗台煲劇、睇報紙、瞓晏覺、擠暗瘡，就連衫都燙埋，最後Amber由天光拍到天黑，子豪就匿足一日，真係慘慘豬。當然呢啲都係劇本安排啫，但為咗女友就算去旅行都開OT交足戲，相信Amber心目中嘅最佳男主角都非佢莫屬啦！而網友都睇得非常過癮，留言大讚他很有戲。鄧卓殷同郭子豪齊齊住酒店。點知女友掛住拍片，郭子豪要匿埋一邊。等到瞓着。連衫都燙埋！等到天黑，女友先搵番佢。邓卓殷郭子豪
2023年6月25日 星期日
鄧卓殷掛住拍片冷落男友郭子豪瑟縮一角勁陰功 #女神
鄧卓殷掛住拍片冷落男友 郭子豪瑟縮一角勁陰功
