明报：阿妈唔信我去亚马逊｜洪永城等足18年终圆梦 胡美贻被小妹妹误当韩星
洪永城（Tony）、胡美贻（Nicole）及布乐文（JB）主持的J2旅游节目《阿妈唔信我去亚马逊》，今个星期将正式进入亚马逊热带雨林寻幽探秘。为了前往亚马逊雨林，摄制队离开玛瑙斯（Manaus）后坐了34小时船去圣塔伦（Santarem），其间更因断网而与世隔绝。为打发时间，JB以鱿鱼丝以物易物，结果惊喜换到巴西美少女的抱抱及惜面珠。
JB事后被指异性缘旺，他说︰"我本身人缘不俗，只係唔知点解今次出Trip特别夸张。我喺2、3个礼拜结识到4至5个女仔，真係预计唔到，可能我一直搞错market，我应该去南美发展。Nicole则主力找船上乘客自拍，甚受男士及小朋友欢迎，更被小朋友误认韩星。她说︰"一般都係细路女觉得我似韩星，可能因为呢几年流行k-pop文化，喺亚洲区冇人误会我，都係喺南美洲先会。"
谈到坐船难忘事，3人异口同声表示是船上劣食，Nicole说："喺船上面，每日最恐惧嘅时间就係放饭，意粉冇味、黑豆同饭又好似唔熟咁。"
到达热带雨林后，摄制队在两名配备了刀的导游兼保安陪同下进入雨林区。Tony表示亚马逊丛林危机重重︰"有豹、小鳄鱼，同埋好多有危险性嘅野生动物，所以要有枪同刀傍身，同埋要有保安保护住先可以行入去，亦唔可以乱摸嘢。今次拍摄困难重重，单係落雨都落到我怀疑人生。真係好灰，日日落雨又冇阳光，拍嘢会比较差，唯有当係风格。"
虽然如此，Tony笑言值得，皆因走访亚马逊是他等了足足18年的梦。他说︰"当年入行，第一个谂住做但做唔成嘅旅游节目就係亚马逊。嗰时嘅构想係我着住皮褛、孭住背囊、攞住火把寻找古代文明之源，顺便寻宝，呢件事冇准备一世都预备咗大半世。今次行程大开眼界，沿途见识到巨型蜘蛛同蜘蛛网、有毒牛娃、比人更高嘅树木板根，仲有大量蚂蚁窝。导游向我哋传授好多丛林智慧，有一种蚂蚁搓碎之后可以做驱蚊剂；如果冇水，有啲树嘅树根係可以攞水嚟饮，但係要靠一样嘢去辨识。"
Tony预告会与JB齐齐跳入亚马逊河︰"要无视食人鱼同其他不知名生物，喺度扮享受游水。"
