Jeffrey魏浚笙28岁混血阿哥大起底 网民惊艳：仲靓仔过细佬！
魏浚笙（Jeffrey）出道短短2、3年，已稳坐圈中靓仔男神宝座！不过竟然仲有人靓仔得过佢？冇错，就是他的亲生哥哥Agassi！Jeffrey近日在荷兰探亲，表示自己已4年冇见过定居当地的亲生哥哥，贴上阿哥侧面同远镜黑超相，单是一个侧面就惊艳网民，鼻子又高又挺，被讚超越吴彦祖，网民纷纷惊叹："你哥好靓仔！""点解全家基因可以咁优良？""想要哥哥IG""可唔可以同哥哥一齐正面合照？""你同哥哥可以做组合。"
名校出身 现长居荷兰
大家要求正面相，收到了，以下先来个Jeffrey哥哥大起底！其实Jeffrey正式出道前，同哥哥都已因神颜在网上薄有名气，当时都有人话阿哥Agassi仲靓仔，连男人睇完都会妒忌。阿哥同Jeffrey一样都係荷兰混血，现年28岁的他是双子座，中学时于名校九龙华仁书院就读，后来跟妈妈长居荷兰。
热爱时装 曾自爆1个择偶条件
他本身是时装爱好者，亦曾因著衫有型被网媒捉去做街访，获封为"笋盘"，更是频道打头阵的靓仔，当时网民已激讚他超靓仔。当时22岁的他讲过自己拍拖最长年期係2年，自爆优点係健谈、缺点係会迟到，更公开择偶条件，只要啱眼缘就可以，对外表冇特别要求。
S+级神颜 连母亲都又后生又靓
Agassi IG有大量靓仔相，以往是比较韩风的造型，但五官当然都係S+级，但其IG比较少同Jeffrey合照，对上一张已是7年前帮朋友庆生的大合照。而近年他多数都贴单人相、生活照、旅行照以及同朋友合照，另外亦有同妈妈的合照。
当Jeffrey之前Post完阿哥之后，网民都话究竟父母要几靓先生得出两位美男子，其实Jeffrey妈妈都的确係靓女，望落仲好后生！
