一舞破4億閱讀量數無綫最高收視五部神劇 #女神

《一舞》破4億閱讀量！數無綫最高收視五部神劇

《一舞》破4億閱讀量！數無綫最高收視五部神劇露骨床戰、強姦、賣「處」樣樣齊，挑戰電視尺度嘅TVB劇集《一舞傾城》，當然話題量十足，連內地平台相關話題都突破4億閱讀量。可惜《一舞傾城》結局篇最高收視得21.7點（140萬觀眾），喺TVB一周收視入面只得梗頸四，榜首繼續係《東張西望》。之不過《東張西望》收視長期稱王，又係好難超越嘅！好多女藝人喺《一舞傾城》瞓身演出。可惜觀眾唔受落大鬧意識不良，可能就影響收視啦！講起TVB收視，其實過去唔少劇集成績標青，最高收視可以去到50點！由1990年至今，TVB收視榜嘅第一位就冇變過，經典神劇《大時代》都唔夠佢撼，呢套No.1劇集唔單只有金像獎影帝孭飛，入面仲有勁多好戲之人，包括兩奪金像獎最佳男配角嘅「智叔」廖啟智、三奪無綫視帝嘅黎耀祥、「御用奸人」方剛、林文龍等等。想知邊套劇集咁把炮，就要去片啦！神劇《大時代》平均收視33點，原來3甲不入！《戇夫成龍》當年紅到爆，平均收視36點！可惜只係屈居收視榜第2，不過郭晉安憑佢勇奪視帝。