胡鴻鈞轉會後出國語歌：我鍾意穿州過省開工！ #女神

胡鴻鈞轉會後出國語歌：我鍾意穿州過省開工！

胡鴻鈞轉會後出國語歌：我鍾意穿州過省開工！歌手胡鴻鈞今日（29日）現身星光熠熠耀保良記者會，他透露屆時會獻唱新歌，講到最近轉新唱片公司，他稱已十分適應：「因為我好鍾意穿州過省，嚟緊會出國語歌為主，過幾日我就會飛北京錄歌同拍MV。（會搵內地女星做女主角？）冇女主角，我所有嘅MV都係得我自己一個。（因為預算唔夠？）唔關事，因為我想大家專注我一個，怕女主角會搶Fo。」提到甄子丹女兒甄濟如最近加入同公司成為其師妹，他即時恭喜對方：「我之前未見過佢，希望有機會同佢合作。」對於緋聞女友蔡思貝向周星馳自薦演《少林女足》，問他會否仿效女方自薦？他笑言：「佢好似只係搵女仔演女足。（你可以自薦做教練？）呢啲我隨緣。我暫時專注喺唱歌。（唔拍戲？）唔係唔拍，如果有監製或導演覺得合適都歡迎，但依家未有計劃。」他指跟無綫仍有幾年合約，拍劇方面留待公司安排。胡鴻鈞嚟緊會出國語歌。胡鴻鈞好鍾意穿州過省！另外，應屆港姐冠軍林鈺洧、季軍梁超怡及友誼小姐邢慧敏亦有出席今日（29日）保良記者會，林鈺洧稱她們負責呼籲大家購買籌款晚會門票，笑言要包辦票房：「個晚會係我哋卸任後嘅活動，係延續港姐嘅職務，算係圓咗我連任嘅夢想。」問到卸任後可會放假輕鬆一下？梁超怡稱若有空希望可以做運動及養生，因之前拍劇太累，而邢慧敏表示選美期間眾佳麗有建議一齊去旅行，但因她們幾個要履行港姐任務而未能成行：「卸任後就可以一班女仔一齊去旅行玩吓，地點未定，我想飛近啲，林鈺洧就想去遠啲。」林鈺洧指這年為履行港姐職責未有去外地旅遊，有很多地方想去，包括北極、瑞士及埃及等。胡鸿钧