李幸倪回歸最強情歌王敏奕縮短假期幫手拍MV #女神

李幸倪回歸最強情歌　王敏奕縮短假期幫手拍MV

李幸倪回歸最強情歌　王敏奕縮短假期幫手拍MV「實力唱將」李幸倪（Gin Lee）繼跳唱歌《Dum Dum》、R&B的《單戀這件小事》後，推出今年第三首派台作品《企好》，回歸最強情歌，Gin表示在等待曲詞期間，既期待又興奮，當終於聽到demo，已經十分喜歡，收到詞後，直言「好中」：「好多句歌詞一睇到就會有感覺。」終圓合作夢跟填詞人Wyman送了「八字訣」：「記住挺直腰骨企好！」她續說：「我覺得呢八個字好有畫面，好多時我哋遇到一啲挫折、唔開心，失戀又好、工作或家庭有問題，好多時都會垂頭喪氣，但希望大家聽到呢首歌可以互相鼓勵，見字企好；聽到呢首歌就要挺直腰骨，我哋一齊撐落去，同時要珍惜、關心眼前人。」當「愛自己」三個字已經用到爛，她覺得 「企好」從新的角度去演繹自愛，一個簡單動作釋放內心的堅强與勇氣。錄歌時，Gin亦帶着複雜的心情，第一段似跟閨蜜談天、安慰她；第二段則來個大反轉，所有的「你」都變成「我」，原來正是Wyman的一點小心思，Gin解構：「我哋好多時候識得去安慰人，係因為我哋親身經歷過，知道嗰種嘅痛，因此會有個同理心喺度。所以唱verse 2嘅時候，就會有『我』，喺安慰人嘅時候不知不覺自己都講得好激動，跟住就將自己嘅經歷一輪嘴咁講晒出嚟。」MV方面，Gin挑戰演技，透露已多年未有拍攝含有劇情的MV，而角色面對多種複雜的情緒，所以拍攝前幾天已經開始緊張：「要表達到女主角經歷嘅痛苦，佢嘅不捨，佢好鍾意對方，但係要放低，佢掙扎面對嘅委屈、背叛。為咗呢場戲，我都緊張咗幾日。尋晚真係有認真思考呢個角色嘅背景，同埋如果我要經歷呢樣嘢，我會有乜嘢嘅心情。」MV第一個鏡頭她早有準備：「都擔心自己入唔入到戲，好彩呢排我好鍾意聽一首歌，一聽就會令到我有好多嘅感覺、情緒，所以今朝拍呢場戲前我再聽呢首歌去攞番個感覺，就可以投入到個情緒裏面。」除此之外，她又特別感謝MV中三位的演員王敏奕（Venus）、陸駿光（Alan）及盧鎮業，特別是Venus，原來Venus特意縮短假期改機票遷就拍攝期，Venus表示：「首先因為覺得呢首歌好好聽，我睇咗個古仔之後，覺得呢個MV好empowering，我好想成為呢個角色，所以好想有機會參與。」第3隻派台歌出喇！回歸最強情歌。MV有劇情！好用心拍！王敏奕唔話得啦！攬到實一實。李幸倪