新闻女王｜王敏奕大讚佘诗曼为人慷慨友善：佢会俾好多意见
王敏奕（Venus)现身尖沙咀出席医美品牌活动。提到同佘诗曼（阿佘）合作拍TVB新剧《新闻女王》喜获对方点名大讚。Venus表示："好多谢佢，当然受到佢对我咁好嘅评价，我係有啲受宠若惊，但无论点都好，我都会继续努力，唔好辜负佢对我嘅讚赏。（同阿佘合作会唔会有压力？）其实咁又冇嘅，因为佢个人係好友善同埋係好慷慨，佢会俾好多意见，而且会喺拍之前，会同主动同我哋接触同埋沟通，因为佢好深明一个道理，只要对手好，变相佢都会好，愈多人好，咁套戏就会好，同埋佢对每一个角色都有一啲自己嘅谂法，咁所以我都係佢身上学唔少嘢。"
