老婆單文柔現雙下巴疑佗第二胎 陳展鵬笑晒冇否認：睇吓醫生先 #女神

老婆單文柔現雙下巴疑佗第二胎 陳展鵬笑晒冇否認：睇吓醫生先

老婆單文柔現雙下巴疑佗第二胎 陳展鵬笑晒冇否認：睇吓醫生先陳展鵬跟單文柔於2018年結婚，婚後育有一女「小豬比」陳諾瑤，現年4歲。今日（24日）兩公婆出席由黎諾懿監製的全新親子真人騷《爸知弊！你嚟湊吖！》時，單文柔被人感覺孕味濃，身材明顯圓潤不少，略見雙下巴，疑似成功追第二胎，而他們回答記者問題亦明顯有保留。兩公婆呢日都笑晒口。（《晴報》圖片）小豬比會有細佬定妹妹？（陳展鵬 IG）親子節目《爸知弊！你嚟湊吖！》下周播出，監製黎諾懿和參與演出的陳展鵬、單文柔今日現身記者會，兩子之父諾懿提起展鵬的女兒小豬比，即時冧爆大讚可愛，揚言要跟對方對親家，非常搞笑。單文柔受訪時表示：「最緊要小豬比鍾意，其實好多家都問緊，之前陳敏之都話囝囝子樂好鍾意小豬比，（好搶手？）我個女性格好男仔頭，所以鍾意同好多人玩。」兒童節快樂︳單文柔帶小豬比學打高爾夫球 「期待有天我們仨一齊落場打」【下一頁】見單文柔身材明顯圓潤不少，略見雙下巴，被問到會否計劃追多個小朋友？陳展鵬和單文柔表現得支支吾吾，單文柔答：「唔話你聽，（等公布？）老公你出吓聲啦！」當被進一步追問是否懷孕時，單文柔突然間話自己感冒，給予大家錯覺，有少少牛頭不搭馬嘴。陳展鵬即時「救駕」說：「有感冒就要睇醫生，我一陣帶佢去睇醫生，睇吓會唔會要睇埋婦科先，問吓家庭醫生……都係唔好，去把脈好啲，唔好睇西醫！」莫非單文柔因懷孕又未夠三個月，所以未講得？陳鵬透露近日除了忙拍攝《逆天奇案2》外，更要準備周日港姐司儀的工作，他向太太笑言：「泳裝環節我都冇辦法，真係唔想，我都唔想咁近，但做主持唔可以行咁開呀嘛，又要記晒班佳麗身材同背景，所以你唔好怪我，我拎住電話唔係睇女仔，係記佢哋啲名咋！」陈展鹏单文柔