思家大戰｜陳豪自揭黑歷史還原「同朕Check吓」 胡定欣遭李思捷狙擊 #女神

思家大戰｜陳豪自揭黑歷史還原「同朕Check吓」 胡定欣遭李思捷狙擊

思家大戰｜陳豪自揭黑歷史還原「同朕Check吓」 胡定欣遭李思捷狙擊 陳豪率定欣﹑何廣沛﹑蕭正楠和郭柏妍亮相《思家大戰》，定欣被李思捷狙擊。（大會提供）由李思捷主持的《思家大戰》第三季，今晚（20日）播出一集，有陳豪率領的「破毒強人」隊，成員包括胡定欣、蕭正楠、何廣沛和郭柏妍，對戰方麗盈率領的「天涯歌女」隊，成員包括何儷沂、歐寶娜、韋飛雄和陳家美。《破毒》熱播當中，視帝陳豪（阿Mo）甫出場即以招牌「文華」聲和大家打招呼，思捷問到為何聲音會這樣？鬼馬的陳豪笑言：「因為食咗啲好嘢，飲咗啲靚咖啡之後，把聲就變咗High High哋！」在劇中與陳豪有無限恩怨情仇的蕭正楠接著說：「我同阿Mo條線好好睇。」顧住硬銷自己「忽視」了隊友，旋即引來定欣和廣沛怒睥圍攻，知衰的阿蕭即補鑊耍冧：「條條線都咁好睇！」劇中飾演啞巴的廣沛更應思捷要求示範手語。今集問答環節笑料十足，其中一條問題是「講到陳豪會諗起啲乜？」，玩得之人阿Mo自揭黑歷史，重新演繹當年在《帝女花》的經典對白「同朕Check吓」，惹來全場爆笑。另一條問題「年紀超過40歲，又靚又Nice又叻又有錢嘅淑女，點解會單身？」，單身的定欣被思捷瘋狂狙擊，有人回答「太花心」時，思捷即追問定欣：「係咪呀？」見慣大場面的定欣未有被拋窒，只是淡定說：「點解望住我呀？唔知喎！我個人好專一。」至於每次答問題都危危乎的郭柏妍，竟擔起「清版」重要責任，到底她最終是陀衰家還是一個救全家呢？（即時娛樂）陈豪胡定欣